Erakunde eta instituzioak, ospakizun erlijiosoak, Historiako gertakariak… maiz izaten gara zalantzan letra larriak eta xeheak erabiltzerakoan. Horregatik, Alfontso Mujika euskaltzain adituak bildutako irizpide gida baliagarria gerta dakiguke oso. Eusko Jaurlaritzako Hizkuntza, Unibertsitate eta Ikerketa Sailak aurkeztutako lana da eskuartean daukaguna.
1991An Gipuzkoako Foru Aldundiko Euskararen Normalkuntzarako Zuzendaritza Nagusiak plazaratutako Letra larri eta xeheak delakoan abiatuta, hainbat ikerlari izan da gai honen inguruan lanean. Orain, pdf moduan denon eskura dagoen dokumentu honi esker, kontzeptu eta irizpideak kasuan kasu garbi edukitzeko aukera daukagu. Bada zerbait.
