Spotify-ko arduradun Lutz Emmerich-ek hitzaldia emango du asteazkenean

2010ko abenduak 14 Ion Muñoa Kategoriarik gabe Comments Off

Azken urteotan musika entzuteko moduan iraultza sortu duen Spotify aplikazio arrakastatsuaren Espainiako arduraduna, Lutz Emmerich country manager-a, Deustuko Unibertsitatearen Donostiako campusean izango dugu. Komunika Zikloaren baitan gonbidatuta, eta Komunikazio Sailak antolatutako hitzaldian, Emmerich jaunak Spotify-ren kasua azalduko die ikasle, irakasle eta hala nahi duten hiritar guztiei. Hitzaldia abenduaren 15ean, asteazkena, arratsaldeko 16etan izango da, Deustuko Unibertsitatearen Donostiako campus-eko Matteo Ricci eraikineko gela digitalean. Hitzaldira joaterik ez dutenek ere izango dute jarraitzeko aukera streaming bidez. Sarrera librea den arren, lekuarekin arazorik egon ez dadin Deustuko ikasle ez diren eta etortzeko asmoa dutenei asier.leoz@deusto.es helbidera mezu bat idazteko eskatzen zaie.

Lutz Emmerich Enpresa Zientzietan Lizentziatua da eta online ingurunean garatu du orain arteko jardun profesionala. Hamalau urte daramatza Internet-eko enpresetan lanean aholkulari, zuzendari edo country manager zereginetan. Orain arte honako konpainietan aritu da: United Internet, Ogilvy, Wanadoo, TradeDoubler, eta XING. Azken urteotan, berriz, Spotify musika entzuteko aplikazio eta enpresan Espainiako arduradun nagusia da.

Spotify-k urte gutxian arrakasta handia lortu du, eta azkar hedatu da ia Europa guztian zehar. Hala ere, bilakaera polemika-sortzaile izan da askotan. Spotify-ri buruz gehiago jakin nahi duenarentzat, hona hemen artikulu batzuk:

Antzekoak

Ion Muñoa 89 argitalpen

Irakaslea · [:es]Equipo editorial de Infocom[:eu]Infocomeko editore taldea

[:es]Ion Muñoa Errasti es licenciado en Humanidades y Comunicación por la Universidad de Deusto, y doctorando por la Universidad de Deusto. Actualmente es profesor en la Universidad de Deusto, donde imparte docencia en los campus Donostia. Su actividad docente se concentra en el grado de Comunicación. Concretamente imparte las siguientes asignaturas: Tresna Multimediak (euskera), Elaboración de Mensajes para la Web (español) y Principios de Comunicación Gráfica (español). Sus áreas de investigación se centran en la comunicación política de la web. Pertenece al equipo de investigación de Comunicación, reconocido por la UD.[:eu]Ion Muñoa Errasti Giza Zientziak eta Komunikazioan lizentziatua da (Deustuko Unibertsitatea) eta egun doktore tesia egiten ari da (Deustuko Unibertsitatea). Gaur egun Deustuko Unibertsitateko irakaslea da eta Donostiako campusean irakasten du. Komunikazioko Graduan irakasten du. Irakasgai hauek ematen ditu: Tresna Multimediak (euskaraz), Elaboración de Mensajes para la Web (gaztelaniaz) eta Principios de Comunicación Gráfica (gaztelaniaz). Ikerketako bere arlo nagusia Webeko komunikazio politikoa da. Deustuko Unibertsitateko Komunikazio ikertaldeko kidea da.