Online komunikazioa izango da aztergai gaur hasi den Deustoko IV. Komunikazio Ikasgelan

Ana Urkiza eta Roberto San Salvador ikasgelaren irekiera ekitaldian
Ana Urkiza eta Roberto San Salvador ikasgelaren irekiera ekitaldian

Laugarren urtez jarraian, Deustoko Komunikazio Ikasgelak (Aula Deusto de Comunicación) egitarau aberatsa eskainiko die komunikazioko profesionalei. Aurten online bidezko komunikazioa ardatz hartu, eta ardatz horren inguruko hainbat esparru landuko dira: online bidezko barne komunikazioa, online bidezko komunikazio korporatiboa, online bidezko kanpo komunikazioa eta online bidezko komunikazio instituzionala.

Gaur goizean abiatu da ikasgelaren laugarren edizioa Ana Urkiza zuzendariaren aurkezpenarekin eta Roberto San Salvador Deustuko Unibertsitatearen Komunikazio Errektoreordearen ongietorriarekin. Urkizak nahiz San Salvadorrek azpimarratu dute “ikasgela komunikazioko profesionalen intereseko izango dela eta egungo komunikazio beharren azterketarako balio dezan” espero dutela. Horregatik, komunikazioaren egungo joerak kontuan hartuta, “online bidezko komunikazioa aukeratu” dela gaineratu du Urkizak.

Aurreko edizioetan ez bezala, egun guztiko bi jardunaldik osatuko dute aurtengo ikasgela. Gaur, urriak 20, Raúl Peralbaren irekiera hitzaldiaren ondoren, parte hartzaileen arteko eztabaida egingo da goizez. Arratsaldean, berriz, online bidezko barne komunikazioa izango da mintzagai. Bihar, osteguna, hilak 21, online bidezko komunikazio korporatiboa aztertuko da lehenik, kanpo komunikazioa ondoren, eta komunikazio instituzionala azkenik. Bi eguneko jardunaldi intentsoen ondoren, “hausnarketarako eta ikasketarako ez-ezik, ikasgelak komunikazioko profesionalen arteko elkarlanerako aukerak zabaltzeko ere balio dezakeela” adierazi du Ana Urkiza zuzendariak.

Ion Muñoa 89 argitalpen
Irakaslea · [:es]Equipo editorial de Infocom[:eu]Infocomeko editore taldea
[:es]Ion Muñoa Errasti es licenciado en Humanidades y Comunicación por la Universidad de Deusto, y doctorando por la Universidad de Deusto. Actualmente es profesor en la Universidad de Deusto, donde imparte docencia en los campus Donostia. Su actividad docente se concentra en el grado de Comunicación. Concretamente imparte las siguientes asignaturas: Tresna Multimediak (euskera), Elaboración de Mensajes para la Web (español) y Principios de Comunicación Gráfica (español). Sus áreas de investigación se centran en la comunicación política de la web. Pertenece al equipo de investigación de Comunicación, reconocido por la UD.[:eu]Ion Muñoa Errasti Giza Zientziak eta Komunikazioan lizentziatua da (Deustuko Unibertsitatea) eta egun doktore tesia egiten ari da (Deustuko Unibertsitatea). Gaur egun Deustuko Unibertsitateko irakaslea da eta Donostiako campusean irakasten du. Komunikazioko Graduan irakasten du. Irakasgai hauek ematen ditu: Tresna Multimediak (euskaraz), Elaboración de Mensajes para la Web (gaztelaniaz) eta Principios de Comunicación Gráfica (gaztelaniaz). Ikerketako bere arlo nagusia Webeko komunikazio politikoa da. Deustuko Unibertsitateko Komunikazio ikertaldeko kidea da.