Komunikazioa eta identitatea(k): Komunikazioko eta Euskal Gaietako ikertaldeen topada

2019ko azaroak 4 Elixabete Perez Gaztelu Irakasleak Comments Off

Komunikazioko eta Euskal Gaietako ikertaldeen topagunea bilatu nahi dugula eta, jardunaldi bat antolatu dugu datozen azaroaren 7 eta 8an, Bilboko eta Donostiako campusetan, gure arteko lankidetza indartu eta emankor bihurtzea ere gogoan ditugula. Komunikazioa eta identitatea(k) bi ikertaldeen arteko gai uztarria izan daitekeenaren gerizpean, oraingo jardunaldian lantzeko gaia hurrengo galderaren bitartez aurkeztera deliberatu gara: nola komunikatzen d(it)ugu identitatea(k)?

Programa

Elixabete Perez Gaztelu 10 argitalpen

Irakaslea · Euskal Gaien Institutuko Zuzendaria

ELIXABETE PEREZ GAZTELU Euskal Filologian lizentziatua eta doktorea (Deustuko Unibertsitatea). Gaur egun Deustuko Unibertsitateko irakasle titularra da eta Donostiako eta Bilboko campusetan irakasten du. Komunikazioko Graduan irakasgai hauek ematen ditu: Informazioaren eta Komunikazioaren Teoria I, Prentsa idatziko mezuak ekoiztea eta lantzea, Ahozko Komunikazioaren Lantegia eta Gradu Amaierako Lana (euskaraz eta gaztelaniaz). Hizkuntza modernoen eta Euskal hizkuntza eta kultura graduetan, berriz, Idazketa akademikoa. Bere argitalpenetan gai hauek landu ditu: Komunikazio-gaitasunak, hizkuntzaren erabilera komunikazioan. Azken urteotan gazte euskaldunen komunikazio idatziaren gaitasuna ikertzen aritu da lanean. Komunikazioko ikertaldeko kidea da. Eusko Jaurlaritzak B motakotzat onartua. Beste ikergai batzuk: IKT eta hizkuntzaren erabilera ahozko eta idatzizko komunikazioan. Euskal hedabideen hizkuntzaren erabilera.