“Ni naiz guztiok garelako”. Hori izango litzateke Ubuntu hitz afrikarraren itzulpena.
Izen horri helduta jarri zen martxan orain bost urte Linux barruko Ubuntu sistema operatiboa, Microsoft Windows erraldoiaren alternatiba librea hasiera batean eta, egun, lehendabiziko aukera erabiltzaile askorentzat. Urtero bi bertsio berri ateratzen ditu Ubuntuk, apirilean bata eta urrian bestea, bidean gelditutako gauzak eguneratuta egon daitezen. Dagoeneko eskuragarri da bertsio berria (Jaunty Jackalope) honako helbidean.
El Pais egunkariko Mercé Molist kazetariak artikulu interesgarri hau idatzi zuen aurreko astean Ubunturen bosgarren urtemugaren inguruan. Bertan sistema operatibo honen abantailak azaltzen ditu zehatz mehatz, baita oraindik ikusten zaizkion gabezi batzuk ere.
