Ibilbide tematikoei, ondareari eta turismoari buruzko lehenengo mintegia egingo da ostiralean

Ibilbide tematikoa
Ibilbide tematikoa

Egungo turismo-joeretan geroz eta garrantzitsuago diren hainbat fenomeno eta euren arteko erlazioak aztertzeko asmoarekin antolatu du mintegia Deustuko Unibertsitatearen Donostiako campuseko Giza Zientzien Fakultateak, aurten lehenengo aldiz. Ibilbide tematikoen, ondare naturala eta kulturalaren balioztapenaren eta tokiko garapenaren arloan garrantzi handia hartzen ari diren proposamen turistiko berri eta modernoen egitasmoen artean sortzen ari diren egoera berrien panorama orokor bat aurkeztuko da jardunaldian.

Mintegian zehar elkarlotura hauek ikuspuntu anitzetik (akademikoa, federatiboa, profesionala eta teknikoa) aztertuko dira, senderismoak, eta zehazki ibilbide tematikoek, eskaintzen dituzten aukera desberdinak plazaratzeko asmoarekin. Txostenemaileek ikuspegi osagarriak eskainiko dituzte gaia jorratzeko, bere jakinduria eta eskarmentuaren eskutik tematizaziozko eredu praktikoak azalduz.

Mintegiaren zuzendari zientifikoa Francisco Javier Gómez Piñeiro irakaslea da eta zuzendari teknikoa, berriz, Imanol Goikoetxea irakaslea. Printzipioz, mintegia turismo teknikariei, ondarearen kudeatzaileei, tokiko garapenaren agenteei, gai hauetan lanean diharduten profesionalei eta unibertsitateko ikasleei zuzenduta dago. Mintegia antolatu ahal izateko Eusko Jaurlaritzaren Turismo Sailak, Gipuzkoako Foru Aldundiaren Turismo Sailak eta Ikermap-ek laguntza eman dute.

Jardunaldia datorren ostiralean, ekainaren 12an, goizeko 9etan hasiko da P. Arrupe eraikineko Gradu Aretoan. Egun guztiko egitaraua hizlari eta gai interesgarriz beteta dago.


Ion Muñoa 89 argitalpen
Irakaslea · [:es]Equipo editorial de Infocom[:eu]Infocomeko editore taldea
[:es]Ion Muñoa Errasti es licenciado en Humanidades y Comunicación por la Universidad de Deusto, y doctorando por la Universidad de Deusto. Actualmente es profesor en la Universidad de Deusto, donde imparte docencia en los campus Donostia. Su actividad docente se concentra en el grado de Comunicación. Concretamente imparte las siguientes asignaturas: Tresna Multimediak (euskera), Elaboración de Mensajes para la Web (español) y Principios de Comunicación Gráfica (español). Sus áreas de investigación se centran en la comunicación política de la web. Pertenece al equipo de investigación de Comunicación, reconocido por la UD.[:eu]Ion Muñoa Errasti Giza Zientziak eta Komunikazioan lizentziatua da (Deustuko Unibertsitatea) eta egun doktore tesia egiten ari da (Deustuko Unibertsitatea). Gaur egun Deustuko Unibertsitateko irakaslea da eta Donostiako campusean irakasten du. Komunikazioko Graduan irakasten du. Irakasgai hauek ematen ditu: Tresna Multimediak (euskaraz), Elaboración de Mensajes para la Web (gaztelaniaz) eta Principios de Comunicación Gráfica (gaztelaniaz). Ikerketako bere arlo nagusia Webeko komunikazio politikoa da. Deustuko Unibertsitateko Komunikazio ikertaldeko kidea da.