Erlijioaren ikusgaitasuna eremu digitalean

Xabier Riezu, CICR-en bere komunikazioa aurkezten

Bartzelonako VIII Komunikazio eta Errealitateari buruzko Nazioarteko Kongresuak partaidetza bikoitza izan du Deustuko Unibertsitatearen aldetik. Aipatu da honezkero Miren Berasategik eta Jose Antonio Marinek Twitter sarean pobreziak izandako tratamenduaren inguruan aurkezturiko lana. Nik, bestalde, Managing religion and (in)visivility panelean parte hartzeko aukera izan nuen. Bertan erlijioa eta komunikabide digitalen arteko harremanari buruz orain gutxi amaitutako ikerketa baten ondorio batzuk aurkeztu nituen. Nagusiki Rezandovoy otoitzerako tresnaren erabiltzaile profilari buruzko datu kuantitatibo batzuk eskaini nituen, komunikabide digitalek erlijioan izan dezaketen eraginari buruz dauden aurreiritzi edo ideia oker batzuk gezurtatzeko balio dezaketenak.

Kongresua alor berdinean lanean dabiltzan ikerlariekin hartu-emanean jartzeko aukera izan zen eta Deustuko Unibertsitatearen eta Ramon LLull unibertsitateko Komunikazioa, Erlijioa eta Kulturari buruzko Blanquerna Behatokiaren arteko loturak indartzeko. Eskerrak eman nahi dizkiot Blanquerna Behatokiari, eta bereziki honen zuzendari Miriam Diez Bosch irakasleari, Deustun komunikazioari eta erlijioari buruz egiten dugun ikerketarekiko azaldu duen interesarengatik. Lankidetza honen fruitu bezala, aurki, herrialde desberdinetako autoreek parte hartuko duten liburu monografiko bat argitaratuko da.

Xabier Riezu 20 argitalpen
Irakaslea
Xabier Riezu Arregui Nazioarteko eta Kultura arteko Ikasketetan doktorea da; Migrazioak, Gatazkak eta Gizarte Kohesioan Masterra; Soziologia eta Zientzia Politikoetan lizentziatua; eta Filosofian lizentziatua. Bere irakaskuntza Deusto Business Schoolen, eta Gizarte eta Giza Zientzien Fakultatean eskaintzen du. Irakasgai hauek ematen ditu: "Etika Zibikoa eta Profesionala", "Irrati Ekoizpena" eta "Globalizazioa, hiritartasuna eta kultura arteko konpetentzia". Ikerlari moduan Etika Aplikatuko Zentroko kidea da eta komunikazio-teknologien dimentsio sozialari buruz, erlijioaren eta komunikazioaren arteko harremanari buruz eta etika publikoari buruz argitaratu izan du. Bere jarduera akademikoez gain Espainiako Probintziako Jesusen Lagundiko komunikazio bulegoko kide da, eta komunikabide desberdinetan kolaboratzen du. Horren aurretik Herri Irratian aritu zen lanean.