Egun ederra izan zen ostegunekoa. Iñaki de Mujika gidari daukan “La movida deportiva” irratsaioa Deustuko egoitzako Loiola Centrum aretoan egin zuten zuzenean Loyola Mediako lagunek. Bildutakoek ordu eta erdiz ikusi ahal izan zuten kirolaren inguruko irratsaio bat zuzenean egiteak daukan lana. Gainera, puntako kirolariak izan zituen Iñaki de Mujika, Juanjo Lusa eta Iñigo Chaurreau kazetariek osatzen duten lantaldeak gonbidatu: Marcos García Realeko futbolaria, Ekaitz Saies piraguista, Oier Mendizabal pelotaria, David Doblas Bruesa Gipuzkoa Basket taldekoa eta Juanma Gárate Rabobank taldeko txirrindularia.
Ikasleek izan zuten kazetariaren paperan jartzeko aukera kirolariei galderak eginez. Gainera, mikrofonoaren aurrean jartzeko ausardia izan zutenek Loyola Mediaren opari bana jaso zuten kirolarien euren eskuetatik. Oparia izan zen baita ere profesional, gonbidatu eta ikasleen artean irratigintzaren barrenak ezagutu izana. Ez dadila azkena izan.
